Non sono previsti eventi nei prossimi giorni

Ecco alcuni modi di dire, motti, proverbi e filastrocche in dialetto.

Se ne conoscete altri vi invitiamo a comunicarceli: li pubblicheremo. Grazie

Nivula bassa, bel temp la lassa

Quand ul Bisbin al mett sù ul capell, turna a cà e to sù l'umbrell

Campa cavall che l'erba la cress

Var pussè un andà che cent andèmm

Tutt i can menan la cua, tutt i vilan disèn la sua

Per cumparì bisugna sufrì

Ann bisest, ann funest

Russ de sera bel temp sa spera

La gata pressusa la fa i gatitt orb

Pùtost che roba avanza, crepa panza

Per Santa Agnès la luserta l'è in sù la scèes

I oman g'han i deent de can: se cagnan minga incöö, cagnan dumàn

Vènt de mesdì al dura trii dì

Pan e nuus, mangià de spuus

Quand sa na pò pü crépa l'asan e quel che g'hè sù

Sant'Antoni de la barba bianca famm truvà quel che ma manca

Galina végia la fa bun brööd

Nivul a pan: se al piööv minga incöö al piööv duman

proverbio intelvese,  
te se drè a dà una scurlida a\' la pianta de sgiafuni?
rivolto a bambino che insiste nel fare i capricci...

quei de milàn, larc de buca, strecc de man!
si commenta da sè

Chi stà  a tecc quand che 'l piöv, l'è un bel matt se 'l sa möv, ma se 'l sa möv e 'l sa bagna, l'è matt ben se'l sa lagna.

Aria da'mpurtanza, diploma da'gnuranza.

La dona senza l\'omm a l’è beata, l'omm senza la dona, al pérd la páta.

Quand gh'è da mangià, GAUDEAMUS, e quand gh'é da pagà  SCUMPAREMUS.

Chi mangia la galina di altri, al impegna la sua.

Butegaar sinceer, al vàrd incàà, e 'l faliss igneer.

Ul vin al fà  bun saangh, e l'acqua la fa pissà  in di müdaand.

 

FILASTROCCHE 

Un bell dì ma sun spusaa,

cun la Ghita del mercaa,

l'era 'n angiul quela dona,

granda, grossa, lendenuna;

cun la buca granda, storta,

e j ugitt de gata morta,

cu 'l barbèll che guarda in sü,

cumè'i manigh dei cazzüü. 

*

Din don campanin,

la Madona la va 'n giardin,

la Madona la fila la lana,

ul Bambin al fa la nana. 

*

Un legn al fà minga fööch,

duu na fánn pooch,

trii 'n focherell,

quatar un fööch bell,

cinq un fööch de scíuur,

sees un fööch de fatuur. 

*

Fa ninin pupòò de cüna

che 'l tò pà 'l patiss la lüna;

la patiss un puu de spéss,

fá ninin pupòò de gèss. 

*

Uregina bèla,

la sua surèla,

ugin bèll,

ul so fradèll,

la gèsa di fraa, 

e'l campanin che'l fà din, din, din.        

* 

Ugin bèll

ul so fradèll

uregina bèla

la sua surèla

una gesa granda (buca)

cun tanti fraa che canta

e un campaninn

che'l fa din din din. 

* 

Al fiòca, al fiòca,

la galina la fa l'òca,

ul gatin l'è suta 'l gèrlu,

e la gàta la va a l'infèrnu. 

* 

Trott trott cavalòtt

quèll che gh'è sü l'è 'n bèll gagiòtt,

quèll che gh'è giù l'è trotapíànn,

quèll che gh'è sü l'è 'n bèll vilànn. 

* 

L'últim dì de carnevaa

ul purcèll al va cupaa

sia gross o piscinin

sa fa salam e salamin. 

* 

Crapa pelada l'a faa i turtèj,

ga na dà minga ai so fradèj;

i so fradèj fann la fritada,

ga na dann minga a crapa pelada. 

* 

Ul Barbapedana

al gh'eva 'n gilè,

senza 'l denaanz,

cun via 'l dedrée;

cunt i ugiöö

largh una spana,

l'eva 'l gilè del Barbapedana. 

* 

Gh'èra 'na volta,

un òmm de molta;

duman matina

ga n'è vün de calcina;

duman debass

ga n'è vün de sass;

doman de sera

ga n'è vün de céra. 

* 

Carnevaa l'à rutt ul cò,

damal a mì che 'l giüstarò;

cun la gügia e cul didaa,

viva viva 'l carnevaa. 

* 

Quest l'è burlaa in del puzz,

quest l'à tiraa sü,

quest l'à sügaa,

quest l'à faa la süpa,

mì, che sun ul püssée piscinin,

l'ü mangiada tuta. 

* 

Ti che ta tàcat i tach,

tàcum i tach.

Mi tacàtt i tach a ti

che ta tàcat i tach?

tàcataj ti ì tò tach. 

*

Sant'Antoni al gh'èva un pomm,

Sant'Ambröös a la fá cöös,

la Madona l'à pelàa

e ul Bambìnn l'à mangiàa. 

* 

Serafin 'se fii sü lì?

A'l suu mì 'se fuu,

sifùli.